“સમાજ”

દરેક શબ્દની વ્યાખ્યા, એનો અર્થ એ શબ્દમાં જ છુપાયેલો હોય છે. જેમ કે ‘ સમાજ ‘ એટલે સમ + આજ. જે દરેકની આજને સમ = સરખી બનાવે તે સમાજ.

દરેક જ્ઞાતિનો પોતાનો સમાજ હોય છે. આ સમાજ જ જ્ઞાતિના વિકાસનો વિચાર કરે, અને અમલમાં મૂકે છે. સમાજ જ સામાજિક રિવાજો ઘડે છે. બદલાતા જમાના ની સાથે લોકોના બૌદ્ધિક વિકાસ,વ્યવસાયિક વિકાસ સાથે સામાજિક,સાંસ્કારિક અને શૈક્ષણિક વિકાસ માટે કટિબદ્ધ છે.

સ — સમજદારી પૂર્વકના સંબંધની
મા — માવજત અને
જ — જતન.
એટલે સમાજ ..

મોટા બાવન ક. પા સમાજ, વડોદરા પરિવાર આવોજ શિક્ષણ,સંસ્કાર ,સહકાર અને સંપ ના અમૂલ્ય પુષ્પો થી મઘમઘતો સુંદર ઉપવન છે આવો સૌ સાથે મળી આ બાગ ના માળી બની એની સુગંધ ને ચારેકોર પ્રસરાવી અન્ય સમાજો માટે પ્રેરણાદાયી ઉદાહરણ પૂરું પાડવા કટિબદ્ધ થઈ પાટીદાર કુળ ને ઉજળું કરીએ..

પ્રથમ તો આપણા વડોદરા પ્રગતિ મંડળ ની website માટે આપણા વડોદરા પ્રગતિ મંડળ તથા website બનાવવા માં અગ્રેસર ભૂમિકા ભજવનાર સભ્યો ને હાર્દિક અભિનંદન….

આપણા મંડળ વિષે ટૂંક મા કહેવું હોય તો બસો ની આસપાસ ફેમિલિ ધરાવતો એક વિશાળ પરિવાર, જેમાં સુખ દુખ માં એકબીજા ને સાથ આપવો. હૂંફ આપવી, ઉપરાંત કોઈ સામાજિક પ્રશ્ન માં વડીલો નું માર્ગદર્શન, પરિવાર ના કોઇ સભ્ય ને કંઇ મેડિકલ ઈમરજન્સી આવી પડે અને એની જાણ થાય તો યુવાનો, વડીલો ની તત્કાલ હાજરી, કોઈ સભ્ય ના સામાજીક પ્રસંગ માં પણ જરૂર પડે તો આખો પ્રસંગ ઉપાડી લેવો, આ બધી બાબતો આપણા આ પરિવાર ની ખાસિયત છે. અને આ બધુ અમે અનુભવેલું પણ છે.

ફરી એકવાર આપણા આ પરિવાર ને હાર્દિક શુભેચ્છા અને અભિનંદન…

મા ઉમિયા , મા અંબા આપણા આ પરિવાર ને સદાય ખુશ રાખે . હસતો રાખે એવી પ્રાર્થના…

શ્રી મોટા બાવન કડવા પાટીદાર સમાજ પ્રગતિ મંડળ, વડોદરા વિશે…

આશરે પચાસ વર્ષ પહેલા ઉત્તર ગુજરાત ના થોડાક પાટીદાર યુવાનો રોજીરોટી કમાવવા માટે સયાજી મહારાજ ના સંસ્કારી શહેર વડોદરા ખાતે પોતાનું નસીબ અજમાવવા માટે આવે છે. તેઓ મુખ્યત્વે સિદ્ધપુર, ઊંઝા, મહેસાણા, વિસનગર, ખેરાલુ, વિજાપુર જેવા તાલુકા થી આવેલ હતા. ધીમે ધીમે બે પૈસા કમાયા એટલે પરિવાર સાથે વડોદરા ખાતે સ્થિર થયા. પોતાના કૌશલ્ય થી ધંધા રોજગાર ની જમાવટ કરી, કેટલાક યુવાનો જીએસએફસી, IPCL જેવી મોટી કંપનીઓમાં નોકરી લાગ્યા.

સહકાર, સેવા, સામાજીક સંગઠન તથા શિક્ષણ જેવી વિગતો ને પ્રોત્સાહન આપવા માટે કેટલાક યુવાનોએ મળવાનું નક્કી કર્યું. છેવટે ૧૯૮૩ માં પ્રગતિ મંડળ ની સ્થાપના કરી. નાનું એવું ભંડોળ એકત્ર કરી લોકોને પગભર બનાવવા પ્રોત્સાહન આપ્યું. ધીરે ધીરે આ પ્રગતિ મંડળ વડોદરા ખાતે આશરે ૨૦૦ પરિવાર નું મોટું વટવૃક્ષ બન્યું.

આજે ૨૦૨૨ ના વર્ષે પ્રગતિ મંડળ તેમની પોતાની વેબસાઇટ બનાવી લીધી છે, અને તેને માટે હું સમાજના દરેક સભાસદોને તથા કારોબારી સમિતિ ને ધન્યવાદ આપું છું.

આજ રીતે હમેશાં પ્રગતિ ના પંથ સર થતા રહે અને સંગઠન જળવાઈ રહે તેવી આપ સૌ ને શુભેચ્છા.

We are thankful to all our elders who took the initiative and worked hard to keep the Shri Mota 52 Kadava Patidar Samaj’s 800+ members interconnected since 1983 by organizing the Annual Function, Summer Sneh Milan, Picnic & Cricket Tournament every year. 🙏🥳🎉

Our samaj has inspired every member of all age groups by organizing various activities like Eloquent Competition, Dance & Drama Activities, Sports Activities & Fun Games.😊😊

Also to achieve new milestones, our samaj has inspired & motivated our children by guiding & distributing educational prizes every year. 🏆🏅🥇